Qaraǵandy oblysynda «COVID-19» infektsiiasyn juqtyrǵan sońǵy 2 naýqas týraly málimet berildi, - dep habarlady memlekettik komissiianyń shuǵyl shtaby.
Aýrý juqtyrǵandardyń 2 jańa jaǵdaiy tirkeldi. Barlyǵy da - koronavirýstyq infektsiia juqtyrǵan adammen qarym-qatynasta bolýyna bailanysty karantindik statsionarǵa jatqyzylyp, zerthanalyq synamalar alynǵan adamdar. PTR diagnostikalyq zertteý qorytyndysymen COVID-19 diagnozy naqtylandy. Qazirgi tańda naýqastardyń jaǵdailary qanaǵattanarlyq. Bekitilgen hattamaǵa sáikes tiisti em júrgizilýde, - delingen habarlamada.
Naýqastarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynýda. Aýrý oshaqtarynda epidzertteý jumystary, dezinfektsiialyq jumystar júrgizilýde.
09.04.2020j. jaǵdai boiynsha aimaqta COVID-19 koronavirýstyq infektsiiaǵa shaldyqqan 57 adam anyqtaldy. Qaraǵandy oblysynda úi karantininde 1594 adam bar, al táýlik boiy baqylaýǵa 818 patsient alynǵan.
