Qaraǵandyda belgisiz bireý jańa týǵan sábidi qorapqa salyp, úi aýlasyna tastap ketken, - dep habarlaidy Tengrinews.kz agenttigi Qaraǵandy oblysynyń PD baspasóz qyzmetine silteme jasap.
15 shildede saǵat 21.00-de Qaraǵandynyń ortalyq Politsiia bólimine qaladaǵy meditsinalyq mekemelerdiń birine kópqabatty úi aýlasynan tabylǵan jańa týǵan sábi (ul bala) jetkizilgeni habarlanǵan. Oqiǵa ornyna jedel-tergeý toby kelgen.
"21 jastaǵy kýáger keshke úidiń kireberisinen shyǵyp, oryndyqtyń mańynan kórpege oralǵan sábi salynǵan qaǵaz qorapty kórgen. Qyz ony qolyna alyp, jaqyn mańdaǵy meditsinalyq mekemege aparǵan. Dárigerlerdiń aitýynsha, sábi shamamen eki saǵat buryn úide dúniege kelgen. Bala shala týǵan, aýyr halde. Qazir ol perinataldy ortalyqta, dárigerlerdiń baqylaýynda", - dedi politseiler.
