قاراعاندىدا بەلگٸسٸز بٸرەۋ جاڭا تۋعان سەبيدٸ قوراپقا سالىپ, ٷي اۋلاسىنا تاستاپ كەتكەن, - دەپ حابارلايدى Tengrinews.kz اگەنتتٸگٸ قاراعاندى وبلىسىنىڭ پد باسپاسٶز قىزمەتٸنە سٸلتەمە جاساپ.
15 شٸلدەدە ساعات 21.00-دە قاراعاندىنىڭ ورتالىق پوليتسييا بٶلٸمٸنە قالاداعى مەديتسينالىق مەكەمەلەردٸڭ بٸرٸنە كٶپقاباتتى ٷي اۋلاسىنان تابىلعان جاڭا تۋعان سەبي (ۇل بالا) جەتكٸزٸلگەنٸ حابارلانعان. وقيعا ورنىنا جەدەل-تەرگەۋ توبى كەلگەن.
"21 جاستاعى كۋەگەر كەشكە ٷيدٸڭ كٸرەبەرٸسٸنەن شىعىپ, ورىندىقتىڭ ماڭىنان كٶرپەگە ورالعان سەبي سالىنعان قاعاز قوراپتى كٶرگەن. قىز ونى قولىنا الىپ, جاقىن ماڭداعى مەديتسينالىق مەكەمەگە اپارعان. دەرٸگەرلەردٸڭ ايتۋىنشا, سەبي شامامەن ەكٸ ساعات بۇرىن ٷيدە دٷنيەگە كەلگەن. بالا شالا تۋعان, اۋىر حالدە. قازٸر ول پەريناتالدى ورتالىقتا, دەرٸگەرلەردٸڭ باقىلاۋىندا", - دەدٸ پوليتسەيلەر.
