Qazaqstanda koronavirýs juqtyrǵandar sany 111 boldy, dep habarlaidy "Ult aqparat".
Búgin Qaraǵandyda koronavirýstyq infektsiia (COVID-19) taǵy eki adamda rastaldy. Olar Frantsiiadan «Minsk-Nursultan» reisimen 18 naýryzda ushyp kelgen. Eki áiel qonǵannan keiin birden karantinge jatqyzylǵan.
«Patsientterde virýstyń bolýy zerthanalyq taldaýlar arqyly rastaldy. Qazirgi ýaqytta naýqastardyń jaǵdaiy qanaǵattanarlyq», - dep málimdedi Qaraǵandy oblystyq Densaýlyq saqtaý basqarmasynyń jetekshisi Erjan Nurlybaev onlain-brifing barysynda.
Reistiń qalǵan jolaýshylarynan 26 naýryzda koronavirýs belgileri tabylmady.
Meditsinalyq personal sanitarlyq qaýipsizdiktiń barlyq sharalaryn jáne qajetti hattamalardy saqtaýda.
Búgingi kúni karantinde 314 adam táýlik boiy baqylaýda. Bul 1A sanatyndaǵy elderden oralǵan nemese shartty túrde juqtyrǵan adamdarmen bailanysta bolǵan azamattar. Taǵy 152 adam úi jaǵdaiynda karantinnen ótýde.
Buǵan deiin Qaraǵandyda koronavirýstyq infektsiia juqtyrǵan eki adam anyqtalǵan bolatyn. Búgingi kúni olardyń jaǵdaiy qanaǵattanarlyq dep baǵalanady.
