Qaraǵandyda Ekinshi dúniejúzilik soǵystyń ardagerlerine 1 mln teńgeden bir rettik kómek berilmek, dep habarlaidy "Ult aqparat".
«Biyl Ekinshi dúniejúzilik soǵystyń aiaqtalǵanyna 75 jyl tolady. Osyǵan orai ótetin sharalar qazir jan-jaqty pysyqtalýda. Sonymen qatar soǵys ardagerlerine 1 million teńge kóleminde bir jolǵy kómek qarajat beriledi», - dedi Qaraǵandy qalasy ishki saiasat bóliminiń basshysy Darhan Jienbaev qala ákimdiginiń apparat keńesinde.
Sonymen qatar, ardagerlerge qamqorlyq kórsetý maqsatynda «Ardaǵym Ardagerim» aktsiiasy jalǵasýda. Jastar arasynan volonterler tazalaý nemese jóndeý jumystaryn júrgizý, turmystyq máselelerdi sheshýge kómektesý úshin qart adamdardyń úilerine barady.
Aqpan aiynda Sovet áskerleriniń Aýǵanstannan shyǵarylǵanyna 31 jyl tolady. Bólim basshysynyń aitýynsha, jaýynger-internatsionalisterge 100 myń teńgeden materialdyq kómek beriledi.
Búgingi tańda Qaraǵandyda Ekinshi dúniejúzilik soǵysqa qatysqan 38 ardager turady. Sondai-aq, 698 turǵyn Aýǵanstandaǵy soǵysqa qatysqan.
