قاراعاندىدا ەكٸنشٸ دٷنيەجٷزٸلٸك سوعىستىڭ ارداگەرلەرٸنە 1 ملن تەڭگەدەن بٸر رەتتٸك كٶمەك بەرٸلمەك, دەپ حابارلايدى "ۇلت اقپارات".
«بيىل ەكٸنشٸ دٷنيەجٷزٸلٸك سوعىستىڭ اياقتالعانىنا 75 جىل تولادى. وسىعان وراي ٶتەتٸن شارالار قازٸر جان-جاقتى پىسىقتالۋدا. سونىمەن قاتار سوعىس ارداگەرلەرٸنە 1 ميلليون تەڭگە كٶلەمٸندە بٸر جولعى كٶمەك قاراجات بەرٸلەدٸ», - دەدٸ قاراعاندى قالاسى ٸشكٸ ساياسات بٶلٸمٸنٸڭ باسشىسى دارحان جيەنباەۆ قالا ەكٸمدٸگٸنٸڭ اپپارات كەڭەسٸندە.
سونىمەن قاتار, ارداگەرلەرگە قامقورلىق كٶرسەتۋ ماقساتىندا «ارداعىم ارداگەرٸم» اكتسيياسى جالعاسۋدا. جاستار اراسىنان ۆولونتەرلەر تازالاۋ نەمەسە جٶندەۋ جۇمىستارىن جٷرگٸزۋ, تۇرمىستىق مەسەلەلەردٸ شەشۋگە كٶمەكتەسۋ ٷشٸن قارت ادامداردىڭ ٷيلەرٸنە بارادى.
اقپان ايىندا سوۆەت ەسكەرلەرٸنٸڭ اۋعانستاننان شىعارىلعانىنا 31 جىل تولادى. بٶلٸم باسشىسىنىڭ ايتۋىنشا, جاۋىنگەر-ينتەرناتسيوناليستەرگە 100 مىڭ تەڭگەدەن ماتەريالدىق كٶمەك بەرٸلەدٸ.
بٷگٸنگٸ تاڭدا قاراعاندىدا ەكٸنشٸ دٷنيەجٷزٸلٸك سوعىسقا قاتىسقان 38 ارداگەر تۇرادى. سونداي-اق, 698 تۇرعىن اۋعانستانداعى سوعىسقا قاتىسقان.
