Qaraǵandy oblysynyń politseileri qoqys konteinerinen tabylǵan shaqalaqtyń anasyn anyqtady, dep habarlaidy "Ult aqparat".
Esterińizge sala keteiik, 3 sáýir kúni Qaraǵandy qalasynda Oktiabr aýdanyndaǵy úilerdiń biriniń janyndaǵy qoqys konteinerinen 1 ailyq sábi tabylǵan bolatyn.Náresteni jedel járdem brigadasy tekserip shyǵyp, dene jaraqattaryn tappady.
«Politsiia departamentiniń basshylyǵy náresteniń anasyn anyqtaý úshin kriminaldyq politsiia men jergilikti politsiia qyzmetiniń tájiribeli mamandarynan turatyn jedel-tergeý tobyn qurdy. Ishki ister organdarynyń barlyq jeke quramy baǵyttaldy. 6 sáýir kúni 22 jastaǵy náresteniń anasy anyqtaldy», - dep habarlady Qaraǵandy oblystyq Politsiia departamentiniń baspasóz qyzmetinen.
QR QK-niń 24-babynyń 3-bóligi, 99-babynyń 1-bóligi «adam óltirýge oqtalý» boiynsha qozǵalǵan qylmystyq is sheńberinde bolǵan oqiǵanyń mán-jaiy anyqtalýda.
