video kadry
Qaraǵandyda patrýldik kólik pen VAZ kóliginiń soqtyǵysqan sáti túsirilgen videodan keiin qyzmettik kóliktiń júrgizýshisi kináli dep tanyldy. Video áleýmettik jelide jariialanǵannan keiin rezonans týdyrǵan edi, - dep habarlaidy Tengrinews.kz portaly.
Qaraǵandy qalasynyń ákimshilik quqyq buzýshylyq ister jónindegi mamandandyrylǵan aýdanaralyq sotynda 12 jeltoqsanda Nurken Ábdirov – Erýbaev qiylysynda bolǵan jol-kólik oqiǵasy boiynsha ákimshilik material qaraldy.
Bastapqyda jol-kólik oqiǵasy deregi boiynsha eki júrgizýshige de qatysty ákimshilik quqyq buzýshylyq týraly hattamalar jasalǵan. Olarǵa QR ÁQBtK-niń 610-baby 1-bóligi boiynsha aiyp taǵylǵan.
Sotta patrýldik kólik júrgizýshisi Nurken Ábdirov - Erýbaev qiylysynan ótip bara jatyp, jol qaýipsizdigine nazar aýdarmai, baǵdarshamnyń jasyl túsine ótip kele jatqan VAZ kóligimen soqtyǵysqan. Apat saldarynan eki kólikke de mehanikalyq zaqym, materialdyq shyǵyn keltirildi.
"Sotta patrýldik kólik júrgizýshisiniń osy quqyq buzýshylyqty jasaǵan kinási anyqtaldy. Ol baptyń sanktsiiasy aiasynda 20 AEK kóleminde ákimshilik aiyppul túrindegi jazaǵa tartyldy. Ekinshi júrgizýshige qatysty is-áreketinde ákimshilik quqyq buzýshylyq quramynyń bolmaýyna bailanysty óndiris toqtatyldy. Sheshim zańdy kúshine engen joq", - dedi sottyń baspasóz qyzmeti ókilderi.
