4 aqpan kúni Qaraǵandy oblysy, Oktiabr aýdanynyń 15-shaǵyn aýdanyndaǵy toǵyz qabatty turǵyn úide órt shyqqan. Bul týraly QR IIM TJK habarlady.
«Órt 8-qabattaǵy 10 sharshy metrlik páterde bolǵan. Órt sóndirýshiler 13 adamdy, sonyń ishinde 7 balany qutqaryp qaldy. Tilsiz jaý 22.36-da aýyzdyqtalyp, 22.43-te sóndirildi. 2011, 2014 jáne 2018 jylǵy balalar ysty gazdan ýlanyp, aýrýhanaǵa tústi», - delingen habarlamada.
Órttiń shyǵý sebebi anyqtalyp jatyr. Órt shyqqan jerge jeke quramnan 25 adam jáne Qaraǵandy oblystyq TJD 8 tehnikasy tartylǵan.
