Birinshi synypqa qujat qabyldaý merzimi bekitildi Birinshi synypqa qujat qabyldaý merzimi bekitildi Er adam kinoteatrda popkornǵa qaqalyp qaitys boldy Er adam kinoteatrda popkornǵa qaqalyp qaitys boldy
Aimaq

Qaraǵandyda meiramhanada toi jasaǵan sýdianyń baýyry jazalandy

Ult portaly
Qaraǵandyda meiramhanada toi jasaǵan sýdianyń baýyry jazalandy

Sýdia Estai Isabekovtiń baýyry Qaraǵandy meiramhanasynda bolǵan toidyń videosynan keiin jazalandy, - dep habarlaidy Tengrinews.kz. Oqiǵanyń mán-jaiyn Qazybek bi atyndaǵy aýdannyń sanitarlyq-epidemiologiialyq baqylaý basqarmasy ókilderi baiandady.    

Toi "Rýbin" meiramhanasynda sýdia Estai Isabekovtiń anasynyń qurmetine ótkeni habarlandy. Ol týǵan kúnin atap ótken.

"Materialdy qaraý barysynda Isabekov tekserý nátijelerimen tanysýy jáne "Ákimshilik quqyq buzýshylyq týraly" kodekstiń 425-baby 1-bóligi boiynsha ákimshilik quqyq buzýshylyq týraly hattamany rásimdeý úshin basqarmaǵa shaqyryldy. Isabekovtiń 12.02.2021 jylǵy jazbasha ótinishine sáikes is-sharany baýyry A.R. Isabekov uiymdastyrǵan", - dep habarlady Qazybek bi atyndaǵy aýdannyń sanitarlyq-epidemiologiialyq baqylaý basqarmasy ókili.

Sýdia Isabekovtiń baýyry óz kinásin moiyndady. Oǵan aiyppul salyndy.

Al sýdia tártiptik jaýapqa tartylýy múmkin. Onyń jumys ornyna hat jiberildi.

"Sol kezdegi bas memlekettik sanitar dárigerlerdiń qaýlysyna sáikes, is-sharalarǵa qatysýshylar ákimshilik jaýapqa tartylǵan joq", - dep tolyqtyrdy basqarma ókili.

Eske salaiyq, buǵan deiin áleýmettik jelilerde Qaraǵandyda bolǵan toidyń videosy taraǵan bolatyn. Kadrlarǵa qaraǵanda, Qaraǵandy oblystyq sotynyń sýdiasy anasynyń mereitoiyn qalanyń bedeldi meiramhanalarynyń birinde ótkizgen.

"Qaraǵandy oblystyq sotynyń sýdiasy Estai Isabekov mobildi top múshelerimen "sen" dep sóilesedi, politseiden maskasyn sheshýdi talap etip, mekemede prokýrorlar da demalyp otyrǵanyn málimdedi", - dep jazyldy "Habar 24" saitynda. 

Oqi otyryńyz