Qaraǵandylyq jedel ýákilder quny 24 milliard teńge bolatyn iri kólemde esirtki tárkiledi, dep habarlaidy Polisia.kz.
Qaraǵandy oblystyq Politsiia departamenti qalalyq Esirtkige qarsy is-qimyl basqarmasy birge ótkizgen arnaiy operatsiia barysynda sintetikalyq esirtki daiyndap, keiin satatyn tórt esirtki zerthanasyn anyqtady.
Onyń ekeýi Qaraǵandy oblysynda bolsa, bireýi Aqmola oblysynda, taǵy bireýi Pavlodar qalasynda tabyldy.
31 naýryz kúni Aqmola oblysynda qylmystyq toptyń uiymdastyrýshysy ustaldy. 30 jastaǵy Qaraǵandy oblysynyń turǵyny atalǵan óńirden úi satyp alyp, ishin iri kólemde sintetikalyq esirtki zattaryn jasaityn qural-jabdyqpen toltyryp, keiin jasalǵan esirtkini basqa da óńirlerge satpaq bolǵan.
Tintý barysynda ustalǵan azamattan úsh keliden astam daiyn «mefedron» jáne 35 litr suiyq «mefedron», sondai-aq úsh myń litr suiyq, shamamen 50 keli prekýrsorlar alyndy.
«Qaraǵandy oblysy, Nur-Sultan, Almaty jáne Pavlodar qalalarynda qylmys jasaǵan uiymdasqan qylmystyq toptyń beldi músheleri – 32 jastaǵy almatylyq, 35 jastaǵy aqmolalyq jáne 21 jastaǵy pavlodarlyq ustaldy», – dep habarlady Qaraǵandy oblysynyń Politsiia departamenti bastyǵy Erlan Faizýllin.
