قاراعاندىلىق جەدەل ۋەكٸلدەر قۇنى 24 ميلليارد تەڭگە بولاتىن ٸرٸ كٶلەمدە ەسٸرتكٸ تەركٸلەدٸ, دەپ حابارلايدى Polisia.kz.
قاراعاندى وبلىستىق پوليتسييا دەپارتامەنتٸ قالالىق ەسٸرتكٸگە قارسى ٸس-قيمىل باسقارماسى بٸرگە ٶتكٸزگەن ارنايى وپەراتسييا بارىسىندا سينتەتيكالىق ەسٸرتكٸ دايىنداپ, كەيٸن ساتاتىن تٶرت ەسٸرتكٸ زەرتحاناسىن انىقتادى.
ونىڭ ەكەۋٸ قاراعاندى وبلىسىندا بولسا, بٸرەۋٸ اقمولا وبلىسىندا, تاعى بٸرەۋٸ پاۆلودار قالاسىندا تابىلدى.
31 ناۋرىز كٷنٸ اقمولا وبلىسىندا قىلمىستىق توپتىڭ ۇيىمداستىرۋشىسى ۇستالدى. 30 جاستاعى قاراعاندى وبلىسىنىڭ تۇرعىنى اتالعان ٶڭٸردەن ٷي ساتىپ الىپ, ٸشٸن ٸرٸ كٶلەمدە سينتەتيكالىق ەسٸرتكٸ زاتتارىن جاسايتىن قۇرال-جابدىقپەن تولتىرىپ, كەيٸن جاسالعان ەسٸرتكٸنٸ باسقا دا ٶڭٸرلەرگە ساتپاق بولعان.
تٸنتۋ بارىسىندا ۇستالعان ازاماتتان ٷش كەلٸدەن استام دايىن «مەفەدرون» جەنە 35 ليتر سۇيىق «مەفەدرون», سونداي-اق ٷش مىڭ ليتر سۇيىق, شامامەن 50 كەلٸ پرەكۋرسورلار الىندى.
«قاراعاندى وبلىسى, نۇر-سۇلتان, الماتى جەنە پاۆلودار قالالارىندا قىلمىس جاساعان ۇيىمداسقان قىلمىستىق توپتىڭ بەلدٸ مٷشەلەرٸ – 32 جاستاعى الماتىلىق, 35 جاستاعى اقمولالىق جەنە 21 جاستاعى پاۆلودارلىق ۇستالدى», – دەپ حابارلادى قاراعاندى وبلىسىنىڭ پوليتسييا دەپارتامەنتٸ باستىعى ەرلان فايزۋللين.
