Qaraǵandydaǵy "Saran" shahtasynda qaza tapqan jumysshylardyń otbasyna 10 jyldyq jalaqy beriledi. Sondai-aq, olarǵa qosymsha kómek kórsetiletin bolady. Bul týraly QR investitsiialar jáne damý ministri Jeńis Qasymbek aitty, - dep habarlaidy Ult.kz tilshisi Tengrinews.kz portalyna silteme jasap.
"Kelisimge sáikes, kómir departamentiniń ókilderi men kombinattaǵylar qajetti kómekti kórsetip jatyr. Men qaza tapqandardyń otbasyna shamamen on jyldyq jalaqanyń beriletinin bilemin, onymen qosa olarǵa áleýmettik kómek kórsetiledi. Ákimdiktegiler bul máseleni baqylap otyr. Men bizdiń taraptyń atynan on kúnniń ishinde tergeý jumystarynyń júrgiziletinin jáne onyń nátijelerin resmi túrde habarlaitynymyzǵa ýáde beremin", - dedi Jeńis Qasymbek úkimet otyrysynan keiingi brifingte.
Sondai-aq, ministr tergeý jumystaryn júrgizý úshin QR Investitsiialar jáne damý ministrliginiń tapsyrysymen arnaiy komissiianyń qurylǵanyn aityp ótti. Ol komissiianyń quramynda Indýstrialdy damý komitetiniń mamandary, oblystyq departament ókilderi, kásiporyndaǵy qaýipsizdik qyzmetiniń ókilderi, "Arselor Mittal Qazaqstan" kómir departamentindegiler men ákimdiktegiler. Sondai-aq, IIM men prokýratýra ókilderiniń qylmystyq is qozǵaǵany aityldy.
Eske sala keteiik, 10 qarashada Qaraǵandydaǵy "Saran" shahtasynda tótenshe jaǵdai bolǵan edi. Úsh adam qaza taýyp, bes adam zardap shekti. Aldyn ala málimetter boiynsha, shahtada adamdardy tasýǵa arnalǵan aspaly joldyń úzilip ketýine bailanysty bolýy múmkin. Al keiinirek tótenshe jaǵdaidan aýrýhanaǵa túsken tórtinshi shahterdiń kóz jumǵanyhabarlanǵan bolatyn.
