Foto: polisia.kz
Qaraǵandy politsiiasy inkassatorlarǵa shabýyl jasaǵan tórtinshi kúdiktini ustady, - dep habarlaidy «Ult aqparat» Polisia.kz saityna silteme jasap.
2020 jyldyń mamyr aiynyń sońynda, pandemiia ýaqytynda Qaraǵandy qalasynda bolǵan shýly oqiǵa áli de el esinde. Oblys ortalyǵynda belgisiz bireýler aldyn ala jasalǵan jospar boiynsha inkassatorlar mingen avtokólikke ádeii jol-kólik oqiǵasyn jasap, jol apatyna túsken avtokólikten 70 million teńge aqsha jáne qarýlaryn alyp, oqiǵa ornynan izderin jasyrǵan bolatyn.
Sol kezde kriminaldyq politsiia qyzmetkerleri júrgizgen keshendi jedel-izdestirý is-sharalary barysynda úsh kúdikti ustalyp, olardan 30 million teńge aqsha tárkilendi. Al tórtinshi kúdikti qashyp ketken. Tergeý áreketteri jáne sot otyrysy barysynda ustalǵandardyń árqaisysy ózderin aqtaýǵa tyrysyp, barlyq kináni qashyp ketken kúdiktige jappaq boldy.
Tergeý áreketteri men sottyń otyrysy nátijesinde ustalǵan kúdiktiler 10 jyldan 11,3 jylǵa deiin sottaldy. Politsiia qyzmetkerleri qashyp ketken tórtinshi kúdiktini izdeýdi úzdiksiz júrgizdi. Nátijesinde Qaraǵandy qalalyq politsiia basqarmasyna qarasty Ortalyq politsiia bóliminiń kriminaldyq politsiia bólimshesiniń qyzmetkerleri Almaty oblysynan halyqaralyq izdeýde júrgen 38 jastaǵy ońtústik óńirdiń turǵynyn ustady. Endi kúdikti 2020 jyldyń mamyr aiynda jasaǵan qylmysy boiynsha jaýap beretin bolady.
