Qaraǵandyda 1 myń sharshy metr aýmaqta eski kólik shinalary órtendi. Ashyq alańdaǵy órtti sóndirýge TJD-nyń arnaiy tehnikasymen birge órt sóndiretin poiyz da jumyldyryldy, dep habarlaidy "Ult aqparat" Qaraǵandy oblysy TJD-synyń baspasóz qyzmetine silteme jasap.
«21 qyrkúiek kúni saǵat 19:28-de Karpatskaia kóshesindegi órt týraly habar kelip tústi. Shikizatty qaita óńdeýmen ainalysatyn JShS-nyń 1 000 sharshy metr aýmaǵynda eski avtomobil dóńgelekteri órtendi. Ǵimarattar men turǵyn qurylystarǵa qaýip tónip turǵan joq. Órt ashyq alańda oryn alǵan.
Oqiǵa ornynda 12 birlik tehnika, onyń ishinde syiymdylyǵy 30 tonna avtotsisterna, TJD jeke quramynan 45 adam jumyldyryldy. Sondai-aq, syiymdylyǵy 100 tonna QTJ órt poiyzy jumys isteýde», delingen habarlamada.
