Foto: videodan skrinshot
Qaraǵandyda jeke mammologiialyq ortalyqta jumys isteitin medbikege er adam shabýyl jasap, aýyr dene jaraqatyn saldy, dep habarlaidy Ult.kz.
Er adam áieli men balalaryna ilesip meditsinalyq mekemege kelip, qyzmettik bólmege kirýge tyrysqan. Kirýge tyiym salynǵanyna qaramastan, esikti teýip, erneýimen julyp alyp, artynsha medbikeni qatygezdikpen soqqyǵa jyqqan.
Kýágerlerdiń aitýynsha, er adam shamamen 20 minýt boiy áieldi uryp, saýsaqtaryn syndyrǵan, shashyn julyp, tistelegen.
Medbike aýrýhanaǵa bas miynyń shaiqalýy men birneshe jaraqatpen jetkizildi. Al kúdikti ustalyp, psihonevrologiialyq dispanserge ornalastyryldy.
«Jekemenshik meditsinalyq mekeme qyzmetkerine kúsh qoldaný faktisi boiynsha Qylmystyq kodekske sáikes is qozǵaldy. Politsiia málimetinshe, 42 jastaǵy er adam belgisiz sebeppen qyzmettik bólmeniń esigin syndyryp, meditsina qyzmetkerine dene jaraqatyn keltirgen. Tergeý oblystyq politsiia departamenti basshylyǵynyń erekshe baqylaýynda», — delingen Qaraǵandy oblystyq PD habarlamasynda.
Belgili bolǵandai, shabýyldaýshynyń týystary jábirlenýshi taraptan aryzyn qaitaryp alýdy surap otyr. Olar er adamnyń «jaqsy kúieý jáne úsh balanyń ákesi» ekenin alǵa tartýda.
Aita keteiik, bul bir táýlik ishinde meditsina qyzmetkerine jasalǵan ekinshi shabýyl. Buǵan deiin Qostanaida naýqas ýrolog-dárigerdi soqqyǵa jyǵyp, aq halatty jansaqtaý bólimine túsken bolatyn.
