Qaraǵandy oblysynda qus, mal jáne balyq úshin jasyl jem shyǵarý josparlanýda. Bul týraly "Ult aqparat" ákimdikke silteme jasap habarlaidy.
Jańa tehnologiianyń arqasynda Izrail investorlary qazaqstandyq ettiń biregei brendin jasaýǵa ýáde berip otyr. QR Premer-Ministriniń orynbasary Roman Skliar Qaraǵandy oblysyna jumys sapary barysynda aýyl sharýashylyǵy janýarlary men balyqtarǵa arnalǵan jasyl jemshóp óndirisi boiynsha jobamen tanystyryldy.
«Saryarqa» EEA aýmaǵynda aýyl sharýashylyǵy janýarlary men qustarǵa arnalǵan túiirshiktelgen baiytylǵan jasyl jem óndirý jobasy iske asyrylady. Zaýyttyń biregeiligi shikizat bóligindegi múldem jańa tásilde. Jasyl jemdi ósirý úshin ózdiginen jasalǵan kóp deńgeili gidroponikalyq qondyrǵylar qoldanylady. Ekologiialyq taza azyqta aýyl sharýashylyǵy maldary men balyq etin óndirý múmkindigi paida bolady. Bul joǵary sapaǵa qol jetkizýge jáne «Qazaqstanda jasalǵan!» biregei brendin qurýǵa múmkindik bepedi, – deidi «Virgin Soil Kz» JShS direktory Dmitrii Abildin.
Investorlardyń aitýynsha, óndiris izraildik jáne halyqaralyq ǵalymdardyń gidroponikalyq agronomiia salasyndaǵy kópjyldyq zertteýlerine negizdelgen. Kásiporynda jyl boiy quramynda mikroelementter kesheni bar joǵary sapaly jasyl jem shyǵarýǵa ýáde beriledi.
Investitsiialar shamamen 27 mlrd teńgeni quraidy jáne myńǵa jýyq jańa jumys oryndary qurylady dep josparlanýda. Óndiris qýattylyǵy – kúnine myń tonnaǵa deiin azyq.
Qazirgi ýaqytta EEA aýmaǵynda zaýyt qurylysyna jer telimi bólingen. Jobalaý jumystary júrgizilýde. Qurylys biyl bastalyp, 2022 jyly aiaqtalady dep josparlanýda.
Jobanyń bastamashysy – «Qaraǵandy-bekire» JShS – óńirde balyq salasyndaǵy tabysty qyzmetimen tanymal. Segiz jyl boiy oblysta bekire fermasy jumys isteidi. Klimattyq jaǵdailardy eskere otyryp, ol jabyq sýmen jabdyqtaý tehnologiiasy boiynsha quryldy.
2020 jyly kásiporyn 1,5 tonna qara ýyldyryq jáne 20 tonnaǵa jýyq bekire etin óndirdi. Qýat óndiristi ulǵaitýǵa múmkindik beredi. 2023 jylǵa deiin jylyna 20 tonna ýyldyryq jáne 300-350 tonna bekire etin shyǵarý josparlanýda.
«2020 jyly ónimniń bir bóligin Reseige eksporttadyq. Geografiiany keńeitýge niettimiz. El ishinde bizde turaqty klientter bar. Biz qurama jemderdiń zamanaýi tehnologiiasyn óndirý boiynsha jobaǵa qatysamyz. Biz balyq jeminiń jelisin damytamyz. Bul shikizat jetkizýshilerge táýeldi bolmaýǵa múmkindik beredi», – dedi Dmitrii Abildin.
