Qaraǵandyda eki jumysshy tsehtyń shatyrynda qarasora ósirgen, dep habarlaidy Polisia.kz.
4 maýsym kúni Qaraǵandyda jedel-izdestirý sharasy barysynda Qaraǵandy oblystyq Politsiia departamenti Esirtki qylmysyna qarsy kúres basqarmasynyń qyzmetkerleri iri ónerkásiptik kásiporyndardyń biriniń aýmaǵynan 36 jáne 41 jastaǵy eki er adamdy ustady. Bul tulǵalar JShS tsehtarynyń biriniń shatyrynda zańsyz qarasora ósirgen. Jalpy alǵanda, politsiia qyzmetkerleri 147 túpti tárkiledi.
Ustalǵandardyń aitýynsha, olar qarasorany ózderi paidalaný úshin ekken. «Plantatsiia» úshin er adamdar tsehtyń tóbesin yńǵailaǵan. Atalǵan fakti boiynsha QR QK 300-baby 2-bóligimen (Quramynda esirtki zattary bar, ósirýge tyiym salynǵan ósimdikterdi zańsyz egip-ósirý) qylmystyq is qozǵaldy. Tergeý amaldary júrgizilip jatyr. Kúdiktiler segiz jylǵa deiin bas bostandyǵynan aiyrylýy múmkin.
