Qaraǵandy oblysynda monitoring toptary 324 dárihanany tekserdi. Onyń 36-synda tártip buzýshylyq anyqtaldy. Birqatar tártip buzýshylar jaýapkershilikke tartyldy, dep habarlaidy "Ult aqparat".
Tekserýshiler dári-dármekterge shekti qunynan 20%-ǵa joǵary baǵa qoiǵan alypsatarlyqtyń jolyn kesti. Sondai-aq preparattardy retsepsiz bosatý faktileri men zańsyz farmatsevtikalyq qyzmet jaǵdailary anyqtaldy.
Ákimshilik quqyq buzýshylyq týraly ister boiynsha 50 material qaraldy. Oblystyq taýar men qyzmetterdiń sapasy men qaýipsizdigin baqylaý departamentiniń óndirisinde taǵy 10 material bar.
«Bes hattama QR ÁQBK 424-babynyń 1-bóligi boiynsha jeke tulǵalarǵa qatysty jasaldy («Qyzmettiń osy túrine sertifikaty jáne (nemese) litsenziiasy joq tulǵanyń zańsyz meditsinalyq jáne (nemese) farmatsevtikalyq qyzmetpen ainalysýy»). Tártip buzýshylarǵa aiyppul salyndy. Aiyppul mólsheri bes ailyq eseptik kórsetkishti quraidy.
Qysqartylǵan óndiris tártibinde QR ÁQBK 426-babynyń 1-bólimi boiynsha 24 hattama qaraldy («Farmatsevtikalyq qyzmet jáne dárilik zattar men meditsinalyq buiymdar ainalymy salasyndaǵy erejelerdi buzý). Taǵy 6 material jeke tulǵalarǵa, 18 shaǵyn kásipkerlik sýbektilerine qatysty qozǵalǵan. Salynǵan aiyppuldardyń jalpy somasy 3 458 610 teńgeni qurady», - dep málimdedi Qaraǵandy oblysynyń Taýarlar men qyzmetterdiń sapasy men qaýipsizdigin baqylaý departamenti.
Mamandandyrylǵan ákimshilik sottarǵa dárihanalarda jáne zańsyz kásipkerlik qyzmette buzýshylyq faktileriniń anyqtalýy boiynsha 8 material berildi.
