قاراعاندى وبلىسىندا مونيتورينگ توپتارى 324 دەرٸحانانى تەكسەردٸ. ونىڭ 36-سىندا تەرتٸپ بۇزۋشىلىق انىقتالدى. بٸرقاتار تەرتٸپ بۇزۋشىلار جاۋاپكەرشٸلٸككە تارتىلدى, دەپ حابارلايدى "ۇلت اقپارات".
تەكسەرۋشٸلەر دەرٸ-دەرمەكتەرگە شەكتٸ قۇنىنان 20%-عا جوعارى باعا قويعان الىپساتارلىقتىڭ جولىن كەستٸ. سونداي-اق پرەپاراتتاردى رەتسەپسٸز بوساتۋ فاكتٸلەرٸ مەن زاڭسىز فارماتسەۆتيكالىق قىزمەت جاعدايلارى انىقتالدى.
ەكٸمشٸلٸك قۇقىق بۇزۋشىلىق تۋرالى ٸستەر بويىنشا 50 ماتەريال قارالدى. وبلىستىق تاۋار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ ٶندٸرٸسٸندە تاعى 10 ماتەريال بار.
«بەس حاتتاما قر ەقبك 424-بابىنىڭ 1-بٶلٸگٸ بويىنشا جەكە تۇلعالارعا قاتىستى جاسالدى («قىزمەتتٸڭ وسى تٷرٸنە سەرتيفيكاتى جەنە (نەمەسە) ليتسەنزيياسى جوق تۇلعانىڭ زاڭسىز مەديتسينالىق جەنە (نەمەسە) فارماتسەۆتيكالىق قىزمەتپەن اينالىسۋى»). تەرتٸپ بۇزۋشىلارعا ايىپپۇل سالىندى. ايىپپۇل مٶلشەرٸ بەس ايلىق ەسەپتٸك كٶرسەتكٸشتٸ قۇرايدى.
قىسقارتىلعان ٶندٸرٸس تەرتٸبٸندە قر ەقبك 426-بابىنىڭ 1-بٶلٸمٸ بويىنشا 24 حاتتاما قارالدى («فارماتسەۆتيكالىق قىزمەت جەنە دەرٸلٸك زاتتار مەن مەديتسينالىق بۇيىمدار اينالىمى سالاسىنداعى ەرەجەلەردٸ بۇزۋ). تاعى 6 ماتەريال جەكە تۇلعالارعا, 18 شاعىن كەسٸپكەرلٸك سۋبەكتٸلەرٸنە قاتىستى قوزعالعان. سالىنعان ايىپپۇلداردىڭ جالپى سوماسى 3 458 610 تەڭگەنٸ قۇرادى», - دەپ مەلٸمدەدٸ قاراعاندى وبلىسىنىڭ تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ.
مامانداندىرىلعان ەكٸمشٸلٸك سوتتارعا دەرٸحانالاردا جەنە زاڭسىز كەسٸپكەرلٸك قىزمەتتە بۇزۋشىلىق فاكتٸلەرٸنٸڭ انىقتالۋى بويىنشا 8 ماتەريال بەرٸلدٸ.
