Qaraǵandy oblysynda koronavirýs infektsiiasy týraly jan-jaqty aqparat usynatyn Telegram-bot iske qosyldy, dep habarlaidy "Ult aqparat".
Jergilikti jáne respýblikalyq mamandardyń keńesteri men túsindirmeleri bir jerde jinaqtalǵan. Telegram arnaǵa jazylǵandar qyzyqtyrǵan suraqtaryna esh qiyndyqsyz jaýap taba alady.
Halyqpen dialog ornatý úshin qurylǵan Senim109 qyzmeti (Qaraǵandy oblysynyń biryńǵai úilestirý ortalyǵy) densaýlyq saqtaýǵa arnalǵan arnaiy bólim ázirledi. Barlyq aqparat Senim109.kz Telegram-botynda qoljetimdi.
Úide karantin kezinde ne isteý kerek? COVID-19 belgileri jáne aýrýǵa kúdik paida bolǵanda qandai áreketter jasaý kerek? PTR-test jáne kompiýterlik tomografiiany qashan jasaý kerek? Osy jáne basqa da kóptegen suraqtarǵa osynda jaýap berilgen.
Bólim únemi jańartylyp, paidaly málimettermen tolyǵyp otyrady.
