Ǵalymbek Kenjebaev bokstan erlerdiń ulttyq quramasynyń bas jattyqtyrýshysy bolyp taǵaiyndaldy, dep habarlaidy Qaraǵandy oblysy ákiminiń resmi saity.
Bul qyzmetke ol Qazaqstan boks federatsiiasynyń usynysymen QR Mádeniet jáne sport ministrliginiń Dene shynyqtyrý jáne sport komitetimen bekitildi.
Ǵalymbek Kenjebaev quramany 2009-shy jyldan bastap basqaryp kelgen Myrzaǵali Aitjanovtyń ornyna keldi.
- Biz bas jattyqtyrýshy laýazymyna jańashyldyqty unatatyn, boksshy shákirtteri tamasha nátijeler kórsetetin adamdy usyndyq, - dep atap ótti QBF jattyqtyrýshylar shtabymen jumys isteý boiynsha vitse-prezidenti Iýrii Tshai.
Qaraǵandylyq Ǵalymbek Kenjebaev 15 jyldan astam ýaqyt boiy jastar ulttyq quramasynyń aǵa jattyqtyrýshysy bolǵan. Onyń bapker qyzmetindegi eńbek ótili - 35 jyl. 1998-shi jyldan 2005-shi jylǵa deiin Gennadii Golovkinniń jeke jattyqtyrýshysy bolǵan.
Kenjebaevtyń jetekshiligimen jastar quramasy Jastar Olimpiada oiyndarynda 2014 jáne 2018 jyldary eki altyn medal utyp alǵan, bes Aziia chempionatynda, sondai-aq 2014-shi jyly álem chempionatynda jalpy komandalyq esepte birinshi oryn ielengen.
