Qaraǵandy qalasy Oktiabr aýdanynyń turǵyndary elektr jaryǵynyń óshýine qatysty shaǵymdanýda. Qyzmet kórsetýshi kompaniia bul aýdanda jóndeý jumystary júrgizilip jatqanyn aitty, dep habarlaidy QazAqparat.
«Qaraǵandy Jaryq» JShS basshylyǵy «Santehnikalyq-Jańa Maiqudyq» ÁJ - 35 kV 1, 2-shi tizbeginde naizaǵaidan qorǵaý trosyn aýystyrý jumystary júrgizilýine bailanysty Qaraǵandy qalasynyń Oktiabr aýdanynda elektr energiiasynyń josparly túrde óshirilgenin habarlady.
2019 jylǵa josparlanǵan jóndeý jumystarynyń kestesine sáikes, 2019 - 2020 jylǵy jylytý maýsymyna daiyndyq júrgizý úshin Qaraǵandy qalasy Oktiabr aýdanynyń (Maiqudyq) tutynýshylaryn turaqty elektrmen jabdyqtaýdy qamtamasyz etý maqsatynda «Santehnikalyq-Jańa Maiqudyq» ÁJ - 35 kV 1, 2-shi tizbegindegi arqandardy naizaǵaidan qorǵaýy tiis.
Jóndeý jumystary barysynda qyzmetkerlerdiń qaýipsizdigin qamtamasyz etý úshin «Santehnikalyq-Jańa Maiqudyq» ÁJ - 35 kV eki tizbegin óshirý qajettigi týyndaǵan. Bul rette: 11 a shaǵyn aýdandar, 12, 13, 14, 15, 16, 17, 18, 19; 1, 2 Chapaev kóshesi; Vinnitskaia kóshesi; «Ýmai» dúkeni; 5451 áskeri bólimi elektr jaryǵynan ajyratylady. Qalyń kópshilikke yńǵaisyzdyǵyn tómendetý úshin elektr jaryǵy 2019 jyldyń 29 shildesinen 2 tamyzyna deiin túngi ýaqytta 24:00-den tańǵy 07:00-ge deiin óshiriledi. Táýliktiń kúndizgi ýaqytynda elektrmen qamtamasyz etý qalypty jaǵdaida bolady», - dep habarlady «Qaraǵandy Jaryq» JShS baspasóz qyzmeti.
Ótkiziletin is-sharalar aldaǵy jylytý maýsymy kezinde tutynýshylardy elektrmen jabdyqtaýdyń senimdiligi men sapasyn jaqsartýǵa múmkindik beredi jáne tehnologiialyq aqaýlar men apattyq jaǵdailardyń týyndaý yqtimaldyǵyn tómendetedi.
