© Photo: Rixabay/Comfreak
Qaraǵandyda elektr stantsiialarynyń jumysy qalpyna keltirildi, barlyq nysan elektr qýatyna qosyldy, dep habarlaidy Qaraǵandy oblysynyń ákimdigi.
"Qaraǵandy-Energotsentr" jaýapkershiligi shekteýli seriktestigi JEO-3-tegi 220 kV ashyq taratý qurylǵysynda qysqa tuiyqtalý jáne Qaraǵandy JEO-3 pen Topar GRES-ti bailanystyratyn 110 kV elektr berý jelileriniń odan ári shamadan tys júktelýi saldarynan atalǵan elektr stantsiialarynda generatsiia tolyq tómendegen. Óndiris kóleminiń tómendeýine bailanysty Qaraǵandy qalasy men Qaraǵandy oblysynyń ónerkásiptik tutynýshylary úshin shamamen 350 MVt shekteýler engizildi", - delingen ákimdiktiń habarlamasynda.
Buǵan deiin Qaraǵandy jylý ortalyǵynda iri apat bolyp, qala jaryqsyz qalǵany habarlanǵan bolatyn. JEO-3-te tehnologiialyq aqaý anyqtalyp, saldarynan 220 kV syrtqy taratý qurylǵysy sóndirilgen.
