Qaraǵandyda 3 qańtarǵa qaraǵan túni karaoke klýbqa kelýshiler men mekeme kúzetshileri arasynda janjal shyǵyp, saldarynan 23 jastaǵy jigit zardap shekti, - dep habarlaidy Tengrinews.kz.
Áleýmettik jelide karaoke klýbta bolǵan atys týraly aqparat taraldy. Kýágerlerdiń málimetinshe, klýbqa kelýshiler men mekeme kúzetshileri arasynda janjal shyǵyp, arty tóbeles pen atysqa jalǵasqan. Oqiǵa 3 qańtar kúni tańǵy saǵat 02.00 shamasynda bolǵan. Janjal saldarynan 23 jastaǵy jigit zardap shekti.
"Janjal Janym Soul karaoke klýbynyń kelýshileri men mekeme kúzetshileri arasynda bolǵan. Zardap shekken 23 jastaǵy qala turǵyny jambas tusynan oq jaraqaty diagnozymen aýrýhanaǵa jatqyzyldy. Osy fakt boiynsha sotqa deiingi tergeý amaldary bastaldy. "Adam óltirýge oqtalý" baby boiynsha is qozǵaldy", - dedi Qaraǵandy oblysy boiynsha QD baspasóz qyzmeti.
Sondai-aq departament janjalǵa qatysýshylardyń jeke bastary anyqtalǵanyn aitty. Qarý tárkilendi. Árqaisysynyń jasalǵan qylmystaǵy rólin anyqtaý maqsatynda jedel-izdestirý sharalary júrgizilip jatyr. Oqiǵa ornynda jedel-tergeý toby jumys isteýde.
