Qaraǵandyda áskeri qyzmetshiler aýmaqty, ǵimarattar men nysandardy dezinfektsiialaidy. QR Qorǵanys ministrligi qala biligine kómek retinde radiatsiialyq, himiialyq jáne biologiialyq qorǵanys bólimsheleriniń sarbazdaryn jiberdi, dep habarlaidy QazAqparat.
Dezinfektsiialaý jumystaryn áskeri qyzmetshiler 26 naýryzda bastady. Búgin temirjol jáne avtovokzaldardy arnaiy óńdeý júrgizildi.
Oblystaǵy epidemiologiialyq jaǵdai turaqty. Koronavirýstyq infektsiianyń jańa jaǵdailary tirkelgen joq. Eki patsient emdeý kýrsyn alýdy jalǵastyrýda.
Táýlik boiy baqylaý jasaityn karantinde 314 adam bar. Bul 1A sanatyndaǵy elderden oralǵan nemese shartty túrde juqtyrǵan adamdarmen bailanysta bolǵan azamattar. Taǵy 152 adam úi jaǵdaiynda karantinnen ótýde.
Oblysta 9000-nan astam nysanda sanitarlyq-dezinfektsiialyq rejim kúsheitildi. Mindetti qaýipsizdik sharalarynyń oryndalýy qadaǵalanady. Tártip buzýshylyqtar nysandardyń qyzmetin toqtatýǵa deiin qatań jaza qoldaný arqyly joiylýda.
Tártip buzýshylarǵa qatysty politseiler sotqa 45 ákimshilik is tapsyrdy. 12 derek boiynsha kináliler aiyppul tóleidi. 5-i ákimshilik qamaýǵa alyndy. Qalǵan 28 is aldaǵy kúnderi qaralatyn bolady.
