Qaraǵandy oblysynda iadrolyq meditsina ortalyǵy ashylady. Ol eldegi osy sekildi tórtinshi mekeme bolmaq, dep habarlaidy "Ult aqparat".
Iadrolyq meditsina ortalyǵy kelesi jyldyń sońynda «Oblystyq onkologiialyq dispanser» KMK bazasynda jumys isteidi. Ortalyqta PET/KT apparaty ornatylady. Ol radionýkleidti diagnostikany júrgizýge, isik qurylymyn jáne fýnktsionaldyq erekshelikterin molekýlalyq deńgeide baǵalaýǵa múmkindik beredi. Ádis aýrýdyń erte satysynda kishi isik oshaqtaryn anyqtaýǵa jáne isikterdiń ornalasýy men shetteri týraly naqty derektermen adam aǵzasynyń úsh ólshemdi beinesin alýǵa múmkindik beredi.
Qazaqstanda osyndai tórt apparat bar: onyń úsheýi Nur-Sultanja jáne bireýi Almatyda. Ázirge qaterli isikke shaldyqqan qaraǵandylyqtarǵa zertteýden ótý úshin osy qalalardyń birine barýǵa týra keletin. Qazir kezekti kútý ýaqyty úsh aiǵa jýyq. Qaraǵandyda iadrolyq meditsina ortalyǵynyń paida bolýymen ol aitarlyqtai qysqarady. Ortalyq qurý týraly shartqa osy aptada qol qoiý josparlanýda.
