Qaraǵandyda politseiler qala turǵynyn urlap ketken qaskúnemderdi izin sýytpai ustady, dep habarlaidy "Ult aqparat".
21 aqpan kúni Qaraǵandy qalasynyń politsiia basqarmasynyń Mihailovskii politsiia bólimine beitanys adamdardyń 34 jastaǵy er adamdy «Toiota» markaly avtokóliginiń salonyna kúshtep otyrǵyzyp, ony belgisiz jaqqa alyp ketkeni týraly habarlama kelip tústi.
«Sanaýly ýaqytta oqiǵa ornyna Qaraǵandy qalasynyń patrýldik politsiiasynyń jaqyn mańdaǵy birneshe jasaǵy keldi. Politseiler qala kósheleriniń birinde baǵdardaǵy kólikti baiqaǵan. Olar kólikti toqtatqan. Onda eki kúdikti – 25 jáne 33 jastaǵy er adam, sondai-aq urlanǵan azamat bolǵan», – dep habarlady Qaraǵandy oblysy PD baspasóz qyzmeti.
Qaskúnemder kinálaryn moiyndady. Ustalǵandardyń aitýynsha, olardyń zańsyz áreketteriniń sebebi jábirlenýshiniń aqshalai qaryzy bolǵan.
Atalǵan fakti boiynsha QR QK 125-baby «Adamdy urlaý» boiynsha qylmystyq is qozǵaldy. Tergeý amaldary júrgizilýde.
