video kadry
Qaraǵandyda 88 million teńge jymqyrdy dep aiyptalǵan № 1 gimnaziianyń esepshileri sottaldy. Qazybek bi aýdandyq sotynda esepshilerge qatysty qylmystyq is qaraldy, - dep habarlaidy Tengrinews.kz saity.
Aiyptaý aktisine sáikes, sottalýshylar ózara kelisip bir jarym jyl ishinde ózderiniń banktik kartalaryna jáne taǵy birneshe mektep qyzmetkerleriniń kartochkalaryna qomaqty jalaqy, eńbek demalysy aqysyn, densaýlyǵyna bailanysty járdemaqyny aýdaryp otyrǵan.
Qylmysqa qatysýshylar sottalýshylardyń zańsyz aila-amaldary týraly bilmegen. Esepshiler kóp jaǵdaida bireýlerdiń banktik kartasyn zańsyz iemdengen jáne aqsha aýdaryp, keiin aqshanyń qatelesip jiberilgenin, qaitarý kerek ekenin aityp otyrǵan.
Sottalýshylar osy shemanyń kómegimen 2021 jyldyń aqpanynan 2022 jyldyń mamyryna deiin barlyǵy 88 million teńge iemdengen. Olar qylmysty jasaý kezinde oqý orny direktorynyń elektrondyq tsifrlyq qoltańbasyn paidalanǵan, direktor urlyq týraly bilmegen.
Sotaldy tergep-tekserý barysynda sottalýshylar kinásin moiyndap, biýdjetke 58 million teńge ótedi.
Taraptardyń barlyq dálelderi men qylmystyq is materialdaryn zerdelei otyryp, Qazybek bi aýdandyq soty Qylmystyq kodekstiń 189-baby 4-bóliginiń 2-tarmaǵy boiynsha kináli dep tanyp, 7 jylǵa bas bostandyǵynan aiyrýǵa úkim shyǵardy.
