Qaraǵandy oblysy boiynsha ekonomikalyq tergeý departamenti úsh jyl ishinde 2 mlrd teńgege jýyq somany qolma-qol aqshaǵa ainaldyrǵan qylmystyq top qyzmetiniń jolyn kesti, dep habarlaidy "Ult aqparat".
6 adamnan quralǵan uiymdasqan qylmystyq top Temirtaý qalasynda jalǵan býhgalterlik qujattardy jazyp berý arqyly adal emes salyq tóleýshilerge salyq tóleýden jaltarýǵa kómektesý maqsatymen qyzmet etken.
Osy maqsatta UQT baqylaýyndaǵy 8 jalǵan firma zańsyz qyzmetke tartyldy.
Qylmystyq áreket saldarynan memleketke tólenbegen salyq túrinde shamamen 200 mln teńge kóleminde zalal keldi.
Qazirgi ýaqytta qylmystyq is sotqa joldandy, toptyń uiymdastyrýshysy jáne sybailastarynyń biri qamaýǵa alyndy.
Zańsyz qolma-qol aqshaǵa ainaldyrý qoǵamda eki mańyzdy máseleni – salyqtardyń túspeýin jáne sybailas jemqorlyqtyń ósýin týdyrady.
Adal emes kásipkerlerdiń biýdjetke salyq pen basqa da túsimderdi tóleýden jaltarýynan mektepter, aýrýhanalar jáne basqa da áleýmettik mańyzy bar obektiler salýǵa qajetti qarajat túspeidi.
Sonymen birge, zańsyz qolma-qolǵa ainaldyrylǵan aqsha para berý, paraǵa satyp alý sekildi birqatar basqa quqyq buzýshylyqtarda paidalanylyp, sol arqyly elimizde sybailas jemqorlyqtyń keńinen taralýyna sebep bolady.
