Qazaqstanda taǵy 5 adam koronavirýs juqtyrdy, dep habarlaidy QazAqparat.
QR Densaýlyq saqtaý ministrliginiń málimetinshe, elimizde taǵy 5 adamnan koronavirýs tabylǵan. Osylaisha, Qazaqstanda qaýipti indetti juqtyrǵandar sany 49 boldy.
Onyń ishinde Almatyda - 22, Nur-Sultanda - 25 jáne Qaraǵandyda - 2 jaǵdai tirkelgen.
Aita keteiik, Memleket basshysy Qasym-Jomart Toqaevtyń sheshimimen 16 naýryzda elimizde tótenshe jaǵdai jariialandy.
19 naýryzdan bastap Nur-Sultan men Almaty qalalarynda koronavirýsqa bailanysty otyz kúndik karantin engizildi.
Qalalardyń ainalasynda kólik qozǵalysyn shekteitin baqylaý-ótkizý pýnktteri qoiyldy. Ol jerlerde politseiler, Ulttyq ulan qyzmetkerleri, áskeriler men dárigerler qyzmet etip jatyr.
22 naýryzdan bastap Nur-Sultan men Almatyǵa kirýge tyiym salynady. Tamaq jetkizetin júk kólikterine ǵana kirýge ruqsat etiledi.
