Foto: TJM baspasóz qyzmeti
Qaraǵandyda 16 qabatty úide jarylys bolyp, 3 adam qaza tapty, dep habarlaidy "Ult aqparat" QR TJM baspasóz qyzmetine silteme jasap.
10 qańtar kúni saǵat 21:29-da Qaraǵandy qalasyndaǵy Respýblika dańǵyly, 18/2 boiynda órt shyqqany týraly habarlama kelip túsken.
"16 qabatty 127 páterli turǵyn úidiń 8-shi qabatyndaǵy páterde jalpy alańy 30 sharshy metr aýmaqta órt shyqty. 1979 jyly týǵan er adam janyp jatqan páterden qulap, meditsinalyq mekemege jatqyzyldy.
Tekserý kezinde úsh adamnyń (eki er adam men bir áiel adam bolýy múmkin) máiiti tabyldy. TJD kúshterimen 48 adam (onyń ishinde 9 bala) kireberistegi páterlerden qutqarý qalpaqtarynyń kómegimen shyǵaryldy jáne 82 adam (onyń ishinde 21 bala) evakýatsiialandy. Órt saǵat 22:55-te oqshaýlandy. Oqiǵa ornyna TJM-nyń 88 qyzmetkeri men 23 birlik tehnikasy jumyldyryldy" - delingen habarlamada.
Vedomstvo málimetinshe, gaz jarylysy rastalmady. Oqiǵa ornynda gaz qurylǵylary tabylmaǵan. Eshqandai qiraýlar nemese qurylymdyq buzylýlar joq. Jylý júieleri de buzylmaǵan. Órttiń shyǵý sebebi anyqtalyp jatyr.
Turǵyndardy jylytý úshin TJD 3 vahtovkasy jumyldyrylǵan. Evakýatsiialanǵan adamdar týystaryna jáne qaladaǵy qonaqúilerge ornalastyrylady. Oqiǵa ornynda psihologtar jumys istep jatyr.
Turǵyndardy páterge qaitarý máselesi de sheshilýde.
