Qaraǵandy qalasynyń tártip saqshylary er adamdy ólimnen qutqardy. Ol ózine qol jumsamaq bolǵan. Politseiler onyń moinyndaǵy jipti sheship úlgergen, dep habarlaidy QazAqparat.
9 qyrkúiekte Qaraǵandy qalasynyń PB patrýldik politsiia polkiniń Ashat Nurǵaliev, Baýyrjan Qurmanaliev jáne Ulan Muzaparov quramyndaǵy inspektorlar jasaǵy qalanyń Kirov sektorynda qyzmet atqarǵan.
23.30 shamasynda jedel basqarý ortalyǵynan 22-shaǵynaýdandaǵy kópqabatty úide otbasylyq janjal týyndaǵany týraly habarlama kelip tústi.
«Biz atalǵan mekenjaiǵa kelgende úidiń kireberisinde bizdi bir áiel qarsy aldy. Qońyraý shalyp, politsiiaǵa habar bergenin málimdedi. Áieldiń aitýynsha, onyń burynǵy kúieýi óz-ózine qol jumsamaq bolǵan. WhatsApp jelisi arqyly er adam qoshtasý hatyn jazǵan jáne moinyndaǵy jippen ózin-ózi sýretke túsirip, úlken qyzyna joldaǵan. Áiel onyń naqty mekenjaiyn atai almady, óitkeni burynǵy kúieýi jaldamaly páterde turady. Biraq ol úi men kireberisti kórsete aldy. Ol úi kórshi 21-shaǵynaýdanda ornalasqan», – deidi Ashat Nurǵaliev.
Politseiler bul jaǵdaida ár minýt sanaýly ekenn jaqsy túsingen. Kóp uzamai olar er adam jalǵa alǵan páterdiń janyna jetken.
Metall esikti qaqqanymen, olarǵa eshkim jaýap bermegen. Sodan keiin tártip saqshylary páterge tereze arqyly kirýdi uiǵardy.
«Áriptesim meni demep jiberdi de, men terezege shyqtym. Onyń fortochkasy ashyq boldy. Men oǵan kirip, as úige óttim. Kireberis esikti ashyp, serigimmen birge páterdi teksere bastadyq. Jýynatyn bólmeniń esigin ashqanda er adamnyń edende moinyna oralǵan jippen otyrǵanyn kórdik», – deidi Baýyrjan Qurmanaliev.
Patrýl qyzmetkerleri onyń ilmegin sheship, alǵashqy meditsinalyq kómek kórsetken.
Er adam ózine kelgende sóilep, qozǵala aldy. Kelgen jedel járdem dárigerleri ony tekserip, ómirine qaýip joq ekenin aitty.
Belgili bolǵandai, er adam qiyn ómirlik jaǵdaiǵa tap bolǵan. Ol jaqynda áielimen ajyrasyp, jumyssyz qalǵan.
Politseiler er adamdy týystarynyń qaraýyna berip, qyzmetin jalǵastyrdy.
