Qaraǵandy oblysynyń ónerkásip kólemi 4 trillion teńgege jetti – bul ekonomikanyń turaqty damýynyń jańa belesi. Bul týraly búgin, 12 qarashada Ortalyq kommýnikatsiialar qyzmetinde ótken brifingte Qaraǵandy oblysynyń ákimi Ermaǵanbet Bólekbaev aitty.
Taý-ken jáne metallýrgiia ónerkásibin jańǵyrtýǵa airyqsha nazar aýdarylýda.
Qarmet kompaniiasy óndiristik damýdyń jańa satysyna shyqty. Negizgi baǵyt – «5-9-5» baǵdarlamasy. Baǵdarlama aiasynda 2028 jylǵa deiin 5 mln tonna bolat, 9 mln tonna kómir jáne 5 mln tonna temir keni kontsentratyn óndirý josparlanǵan.
Kómir shahtalarynda 8 jańa lava iske qosylyp, nátijesinde kómir óndirý kólemi 15,1%-ǵa artyp, 6,2 mln tonnaǵa jetti.
Úsh domna peshiniń barlyǵy tabiǵi gazǵa kóshirildi, bul táýligine 250 tonna mazýtty paidalanýdan tolyq bas tartýǵa múmkindik berdi.
Óndiristik protsesterge tsifrlyq sheshimder men avtomattandyrý elementteri engizilýde, bul eńbek qaýipsizdigin arttyryp, tiimdilikti kúsheitedi.
Qaraǵandy oblysynyń ákimi Ermaǵanbet Bólekbaev:
«Qaraǵandy ónerkásibi el ekonomikasynyń tiregi ári damýdyń qozǵaýshy kúshi bolyp otyr. Bul úrdistiń aiqyn dáleli – Qarmet kompaniiasynyń óndiristi jańǵyrtý jumystary. Kásiporyn tiimdilikti arttyryp, tsifrlyq sheshimderdi engizýde», – dedi aimaq basshysy.
Óńirdiń indýstriialyq alańdary da qarqyndy damyp keledi.
Saran indýstriialyq aimaǵynda avtobýstar, arnaiy tehnika, turmystyq tehnika jáne avtokólik shinalaryn shyǵaratyn kásiporyndar jumys isteidi.
Aldaǵy jyldary munda HOWO jáne SITRAK júk kólikterin óndirý jobasy iske qosylady (joba iesi – «Saran Machinery» JShS, investitsiia kólemi 24 mlrd teńge, 1 000 jańa jumys orny).
«Saryarqa» arnaiy ekonomikalyq aimaǵynda búginde 23 zaýyt jumys isteidi. Onda armatýra, qubyrlar, ferrosplavtar, latýn jáne rezeńke-tehnikalyq buiymdar óndiriledi.
Aldaǵy ýaqytta aliýminii radiatorlaryn jáne ferrosilikoaliýminii óndiretin jańa kásiporyndar iske qosylady.
