Qaraǵandy oblysyna kireberis joldarda sanitarlyq beketter uiymdastyryldy. Olar Nura aýdanynda, Qaraǵandy qalasynyń Oktiabr aýdanynda, Jezqazǵan, Temirtaý jáne Balqash qalalary mańynda paida boldy, dep habarlaidy "Ult aqparat".
Sanitarlyq beketterde óńirge kelgenderdiń barlyǵynda koronavirýstyq infektsiia belgileriniń bar-joǵy tekseriledi. Bul jumysty táýlik boiy júrgizý josparlanyp otyr. Beketterde taýarlar men qyzmetterdiń sapasymen qaýipsizdigin baqylaý departamentiniń mamandary kezekshilik etedi.
Esterińizge sala keteiik, oblystyń barlyq avtoparkteri kúsheitilgen sanitarlyq baqylaý rejimine kóshken bolatyn. Atalmysh erejege sai barlyq jolaýshylar avtobýstary jáne marshrýttyq taksidiń salondary árbir reis bastalar aldynda jáne aiaqtalǵannan keiin dezinfektsiialyq eritindilermen óńdeledi.
Júrgizýshiler men kondýktorlardy aýysym bastalar aldynda dárigerler tekseredi. Eger olarda infektsiia belgileri baiqalsa, jumysqa jibermeidi.
COVID-19 koronavirýsynyń aldyn alý máseleleri boiynsha taýarlar men qyzmetterdiń sapasyn baqylaý departamentinde (8-7212) 50-76-46 nómiri boiynsha jedel jeli ashyldy
