Politsiia qyzmetkerleri 6 mal urlyǵyna qatysy bar dep kúdikke ilingen 35 jastaǵy jumyssyz er adamdy ustady, dep habarlaidy "Ult aqparat".
2013 jyldan beri qylmysker jergilikti úsh turǵynnyń 72 jylqysyn urlaǵan.
Jedel-tergeý sharasy barysynda Jańaarqa aýdandyq politsiia bóliminiń qyzmetkerleri 35 jastaǵy jumyssyz er adamdy anyqtady. Ol maldy syrtynan baqylap, ieleriniń joqtyǵyna kóz jetkizgen soń jaiylyp júrgen jerinen aidap áketip otyrǵan.
Atalmysh derek politsiiada tirkeldi. QR QK-niń 188-baby 3-bóligi (Bóten múlikti jasyryn urlaý) boiynsha sotqa deiingi tergeý bastaldy. Kúdikti ýaqytsha ustaý izoliatoryna qamaldy.
Qaraǵandy oblysy politsiia departamenti maldy jaiylymǵa tek baqtashynyń qaraýymen jiberip, malǵa GPS trekerler taǵyp, qamaýǵa arnalǵan jerdi myqty quraldarmen bekitý kerektigin taǵy da eskertedi.
