پوليتسييا قىزمەتكەرلەرٸ 6 مال ۇرلىعىنا قاتىسى بار دەپ كٷدٸككە ٸلٸنگەن 35 جاستاعى جۇمىسسىز ەر ادامدى ۇستادى, دەپ حابارلايدى "ۇلت اقپارات".
2013 جىلدان بەرٸ قىلمىسكەر جەرگٸلٸكتٸ ٷش تۇرعىننىڭ 72 جىلقىسىن ۇرلاعان.
جەدەل-تەرگەۋ شاراسى بارىسىندا جاڭاارقا اۋداندىق پوليتسييا بٶلٸمٸنٸڭ قىزمەتكەرلەرٸ 35 جاستاعى جۇمىسسىز ەر ادامدى انىقتادى. ول مالدى سىرتىنان باقىلاپ, يەلەرٸنٸڭ جوقتىعىنا كٶز جەتكٸزگەن سوڭ جايىلىپ جٷرگەن جەرٸنەن ايداپ ەكەتٸپ وتىرعان.
اتالمىش دەرەك پوليتسييادا تٸركەلدٸ. قر قك-نٸڭ 188-بابى 3-بٶلٸگٸ (بٶتەن مٷلٸكتٸ جاسىرىن ۇرلاۋ) بويىنشا سوتقا دەيٸنگٸ تەرگەۋ باستالدى. كٷدٸكتٸ ۋاقىتشا ۇستاۋ يزولياتورىنا قامالدى.
قاراعاندى وبلىسى پوليتسييا دەپارتامەنتٸ مالدى جايىلىمعا تەك باقتاشىنىڭ قاراۋىمەن جٸبەرٸپ, مالعا GPS ترەكەرلەر تاعىپ, قاماۋعا ارنالعان جەردٸ مىقتى قۇرالدارمەن بەكٸتۋ كەرەكتٸگٸن تاعى دا ەسكەرتەدٸ.
