© Photo: Azamattarǵa arnalǵan úkimet
Qaraǵandy oblysynyń turǵyny jumystardy naqty oryndamai jalǵan shot-faktýralardy jazyp berý boiynsha qylmystyq áreketke barǵan. Atalǵan derek boiynsha QMA aýmaqtyq departamenti sotqa deiingi tergep-tekserýdi bastady, - dep habarlaidy "Ult aqparat" Qarjylyq monitoring agenttigine silteme jasap.
Qylmystyq shema satyp alýshy kontragenttermen úshjaqty shart jasasýmen mikroqarjy uiymdarda alynǵan jalǵan zaimdardy paidalaný arqyly júzege asqan.
Kontragent baqylaýyndaǵy JShS-ǵa emes, MQU-ǵa qaryzdy óteý túrinde tólem júrgizgen.
"Bul qylmys jasaýshy azamattarǵa qaryz berý sharttary negizinde qolma-qol aqsha alýǵa jáne olardy jeke tulǵalarǵa berý arqyly jalpy somadan 2-6%-ǵa deiin materialdyq paida alýǵa múmkindik berdi.
Máselen, 2022 jyldan bastap qazirgi ýaqytqa deiin satyp alýshy kontragentteri bar 9 kompaniia boiynsha jalpy ainalym 40 mlrd teńgeden asty.
Tergeý barysynda jalǵan shot-faktýralardy jazyp berýge bailanysty qylmystyq áreketti buryn osyǵan uqsas qylmysy úshin 3,5 jylǵa bas bostandyǵyn shekteý jazasyna kesilgen Qaraǵandy oblysynyń turǵyny uiymdastyrǵany anyqtaldy" - delingen habarlamada.
Tergeý jalǵasyp jatyr.
Vedomstvo málimetinshe, jalǵan mámileler jasasý, qarajatty zańsyz qolma-qol aqshaǵa ainaldyrý el biýdjetine milliardtaǵan salyqtardyń túspeýine ákelip soǵady. Ekonomikalyq qylmystyń bul túri memlekettik áleýmettik jobalardy júzege asyrýǵa, zeinetaqy men járdemaqylardy tóleýge, jańa jol, aýrýhana, mektep salýǵa kedergi keltiredi.
