Astanadan keiin Ýniversiada alaýyn alǵashqy bolyp tutatatyn oblystardyń biri - Qaraǵandy oblysy. Alaý estafetasyna óńir atynan eń úzdik sportshylar qatyspaq. Qazir osy oqiǵany asyǵa kútip otyrǵan alaý kóterýshiler búkil jan-tánimen sportshylarymyzǵa jankúier bolamyz dep otyr.
Bokstan halyqaralyq dárejedegi sport sheberi, 2013 jylǵy Qazaqstan, Aziia chempiony, 2013 jylǵy jasóspirimder arasyndaǵy álem chempiony Abylaihan Júsipov alaý kóterýshi retinde tańdap alyndy. Sportshy 2014 jylǵy jasóspirimder arasyndaǵy olimpiada jeńimpazy jáne Rio-de-Janeirodaǵy Olimpiada oiyndarynyń qatysýshysy bolyp tabylady.
A. Júsipov Ýniversiada elimiz úshin asa aitýly oqiǵa bolǵandyqtan, otandastarymyzǵa jankúier bolý úshin Ýniversiadaǵa mindetti túrde baramyn dep otyr. «Bizdiń árbir sportshymyz medal jeńip ala alady dep oilaimyn. Kóptegen qazaqstandyqtar sekildi men jarystarǵa baryp, oiynshylardy qoldap, jankúierler qatarynan tabylamyn. Sáttilik árqashan olarǵa seriktes bolsyn dep tileimin», - dedi A. Júsipov.
Sondai-aq, konkimen júgirý sporty boiynsha QR sport sheberi, QR ulttyq jastar quramasynyń múshesi, jasóspirim uldar men qyzdar arasyndaǵy QR chempionatynyń júldegeri, jasóspirimder arasyndaǵy QR chempionatynyń jáne qysqy jastar oiyndarynyń qola júldegeri Aleksandr Chijikov Qaraǵandy oblysy atynan Alaý estafetasyna qatysý qurmetine ie bolyp otyr.
Aleksandr kúres pen jarys degen ne ekenin jaqsy biledi, sondyqtan Ýniversiada alaý kóterýshisi ataný zor qýanysh qana emes, sondai-aq, úlken qurmet pen jaýapkershilik deidi ol.
«Men mine 9 jyl boiy konkimen júgirý sportymen shuǵyldanyp kelemin. Respýblikamyzdyń birneshe dúrkin chempionymyn. Konkimen júgirý sportyna qosa, bizdiń óńirde boks, kúres, dziýdo, velosport, hokkei asa tanymal sport túrleri bolyp sanalady. Aimaqtaǵy balalar men jasóspirimder arasyndaǵy sportty qoldap damytý, sondai-aq, sport keshenderi men alańdaryn kóptep salý qajet, - dep atap ótti A. Chijikov. - Jarystar kezinde men búkil jan-tánimmen elimizdi qoldamaqpyn. Ókinishke qarai, men Ýniversiadaǵa bara almaimyn, degenmen, sportshylarymyzdyń jeńisine senemin. Alǵa Qazaqstan!»
Esterińizge salyp óteiik, Qaraǵandy oblysyndaǵy estafeta eki kezeńge bólinip ótkiziledi: birinshi kezeń Temirtaýda, ekinshi kezeń Qaraǵandyda ótedi. Alaý tutatý saltanaty Temirtaýda ótip, aimaqtyń jas mamandary jumys jasaityn Metallýrgiia kombinatynyń domnasynan jáne shahta kómirinen alynǵan ot qalalyq tostaǵanda biriktiriledi. Ekinshi kezeń Respýblika saraiynan bastalyp, is-shara «Qaraǵandy Arena» muz saraiynda aiaqtalady. Qaraǵandy oblysy boiynsha ótetin jol baǵytynyń jalpy uzyndyǵy 12 shaqyrymdy quramaq.
