استانادان كەيٸن ۋنيۆەرسيادا الاۋىن العاشقى بولىپ تۇتاتاتىن وبلىستاردىڭ بٸرٸ - قاراعاندى وبلىسى. الاۋ ەستافەتاسىنا ٶڭٸر اتىنان ەڭ ٷزدٸك سپورتشىلار قاتىسپاق. قازٸر وسى وقيعانى اسىعا كٷتٸپ وتىرعان الاۋ كٶتەرۋشٸلەر بٷكٸل جان-تەنٸمەن سپورتشىلارىمىزعا جانكٷيەر بولامىز دەپ وتىر.
بوكستان حالىقارالىق دەرەجەدەگٸ سپورت شەبەرٸ, 2013 جىلعى قازاقستان, ازييا چەمپيونى, 2013 جىلعى جاسٶسپٸرٸمدەر اراسىنداعى ەلەم چەمپيونى ابىلايحان جٷسٸپوۆ الاۋ كٶتەرۋشٸ رەتٸندە تاڭداپ الىندى. سپورتشى 2014 جىلعى جاسٶسپٸرٸمدەر اراسىنداعى وليمپيادا جەڭٸمپازى جەنە ريو-دە-جانەيروداعى وليمپيادا ويىندارىنىڭ قاتىسۋشىسى بولىپ تابىلادى.
ا. جٷسٸپوۆ ۋنيۆەرسيادا ەلٸمٸز ٷشٸن اسا ايتۋلى وقيعا بولعاندىقتان, وتانداستارىمىزعا جانكٷيەر بولۋ ٷشٸن ۋنيۆەرسياداعا مٸندەتتٸ تٷردە بارامىن دەپ وتىر. «بٸزدٸڭ ەربٸر سپورتشىمىز مەدال جەڭٸپ الا الادى دەپ ويلايمىن. كٶپتەگەن قازاقستاندىقتار سەكٸلدٸ مەن جارىستارعا بارىپ, ويىنشىلاردى قولداپ, جانكٷيەرلەر قاتارىنان تابىلامىن. سەتتٸلٸك ەرقاشان ولارعا سەرٸكتەس بولسىن دەپ تٸلەيمٸن», - دەدٸ ا. جٷسٸپوۆ.
سونداي-اق, كونكيمەن جٷگٸرۋ سپورتى بويىنشا قر سپورت شەبەرٸ, قر ۇلتتىق جاستار قۇراماسىنىڭ مٷشەسٸ, جاسٶسپٸرٸم ۇلدار مەن قىزدار اراسىنداعى قر چەمپيوناتىنىڭ جٷلدەگەرٸ, جاسٶسپٸرٸمدەر اراسىنداعى قر چەمپيوناتىنىڭ جەنە قىسقى جاستار ويىندارىنىڭ قولا جٷلدەگەرٸ الەكساندر چيجيكوۆ قاراعاندى وبلىسى اتىنان الاۋ ەستافەتاسىنا قاتىسۋ قۇرمەتٸنە يە بولىپ وتىر.
الەكساندر كٷرەس پەن جارىس دەگەن نە ەكەنٸن جاقسى بٸلەدٸ, سوندىقتان ۋنيۆەرسيادا الاۋ كٶتەرۋشٸسٸ اتانۋ زور قۋانىش قانا ەمەس, سونداي-اق, ٷلكەن قۇرمەت پەن جاۋاپكەرشٸلٸك دەيدٸ ول.
«مەن مٸنە 9 جىل بويى كونكيمەن جٷگٸرۋ سپورتىمەن شۇعىلدانىپ كەلەمٸن. رەسپۋبليكامىزدىڭ بٸرنەشە دٷركٸن چەمپيونىمىن. كونكيمەن جٷگٸرۋ سپورتىنا قوسا, بٸزدٸڭ ٶڭٸردە بوكس, كٷرەس, دزيۋدو, ۆەلوسپورت, حوككەي اسا تانىمال سپورت تٷرلەرٸ بولىپ سانالادى. ايماقتاعى بالالار مەن جاسٶسپٸرٸمدەر اراسىنداعى سپورتتى قولداپ دامىتۋ, سونداي-اق, سپورت كەشەندەرٸ مەن الاڭدارىن كٶپتەپ سالۋ قاجەت, - دەپ اتاپ ٶتتٸ ا. چيجيكوۆ. - جارىستار كەزٸندە مەن بٷكٸل جان-تەنٸممەن ەلٸمٸزدٸ قولداماقپىن. ٶكٸنٸشكە قاراي, مەن ۋنيۆەرسياداعا بارا المايمىن, دەگەنمەن, سپورتشىلارىمىزدىڭ جەڭٸسٸنە سەنەمٸن. العا قازاقستان!»
ەستەرٸڭٸزگە سالىپ ٶتەيٸك, قاراعاندى وبلىسىنداعى ەستافەتا ەكٸ كەزەڭگە بٶلٸنٸپ ٶتكٸزٸلەدٸ: بٸرٸنشٸ كەزەڭ تەمٸرتاۋدا, ەكٸنشٸ كەزەڭ قاراعاندىدا ٶتەدٸ. الاۋ تۇتاتۋ سالتاناتى تەمٸرتاۋدا ٶتٸپ, ايماقتىڭ جاس ماماندارى جۇمىس جاسايتىن مەتاللۋرگييا كومبيناتىنىڭ دومناسىنان جەنە شاحتا كٶمٸرٸنەن الىنعان وت قالالىق توستاعاندا بٸرٸكتٸرٸلەدٸ. ەكٸنشٸ كەزەڭ رەسپۋبليكا سارايىنان باستالىپ, ٸس-شارا «قاراعاندى ارەنا» مۇز سارايىندا اياقتالادى. قاراعاندى وبلىسى بويىنشا ٶتەتٸن جول باعىتىنىڭ جالپى ۇزىندىعى 12 شاقىرىمدى قۇراماق.
