videodan alynǵan kadr
Jergilikti balyqshylar Qaraǵandy oblysynyń Qarqaraly aýdanyndaǵy Jartas kólinde balyqtyń jappai qyrylyp jatqanyn aityp, dabyl qaqty. Oblystyq balyq sharýashylyǵyn baqylaý inspektsiiasy men ekologiia departamentiniń mamandary oqiǵa ornyna attandy, dep habarlaidy QazAqparat.
Áleýmettik jelilerde Qarqaraly aýdanyndaǵy Jartas kólinde balyq qyrylyp jatqany týraly video men sýretter paida boldy.
Oqiǵa ornyna Nura-Sarysý oblysaralyq basseindik balyq sharýashylyǵy inspektsiiasynyń, balyq sharýashylyǵy ǵylymi-óndiristik ortalyǵynyń, Qaraǵandy oblysynyń tabiǵi resýrstar jáne tabiǵatty paidalanýdy retteý basqarmasynyń, oblystyq veterinariia basqarmasynyń jáne ekologiia departamentiniń mamandary attandy.
«1 mamyrda komissiia oqiǵa ornyna baryp, jalpy salmaǵy 32 kg (tuqy – 27 kg, alabuǵa – 5 kg) balyqtyń qyrylý faktisin anyqtady. Qaraǵandy oblysy boiynsha ekologiia departamenti sý synamalaryn aldy. Qaraǵandy oblysynyń veterinariia basqarmasymen jáne Qaraǵandy oblysynyń Tabiǵi resýrstar jáne tabiǵatty paidalanýdy retteý basqarmasymen birlesip, sanitariialyq normalardy saqtai otyryp, ólgen balyqty keiinnen kádege jaratý boiynsha jumystar uiymdastyryldy. Balyqtardyń ólimine sýda erigen otteginiń bolmaýy sebep bolyp otyr degen boljam aityldy», - dep habarlady inspektsiiadan.
Jartas kóli Qarqaraly aýdanynda, Qaraǵandydan 300 shaqyrym jerde ornalasqan. Belgili bolǵandai, sý aidyny birneshe jyl buryn «Ásel» ShQ-na kól-taýarlyq balyq ósirý sharýashylyǵyn júrgizý úshin bekitilgen bolatyn. Kólemi 200 gektardan asatyn kólde alabuǵa, tuqy jáne móńke balyqtary meken etedi.
