Ońtústik Jezqazǵan kenishiniń №45 shahtasynyń elektr dánekerlerýshisi taý-ken-shahtalyq kóliginiń astynda qalyp qoidy, dep habarlaidy "Ult aqparat".
Óndiristegi jazataiym oqiǵa 235 shahtadaǵy №1 shtrekte bolǵan. Tergeý organdary atalǵan derek boiynsha tekserý jumystaryn júrgizip, taý-ken-shahtalyq kóliktiń júrgizýshisi jolyndaǵy jumysshyny qalai baiqamai qalǵanyn anyqtaý ústinde. Bul shahta «Qazaqmys korporatsiiasy» JShS-ne tiesili.
«Jazataiym oqiǵa saldarynan 1973 jyly týǵan elektr dánekerleýshisi aýyr jaraqat alyp, kóz jumdy. «Qazaqmys» kompaniiasynyń basshylyǵy men eńbek ujymy qaza bolǵan qyzmetkerdiń týǵan-týystaryna kóńil aitady», - dep habarlady kompaniianyń baspasóz qyzmeti.
