Sýret: golos-naroda.kz
Qaraǵandy oblysyndaǵy karerde "Nova Tsink" seriktestiginiń jumysshysy rýda úiindisiniń astynda qaza tapty. Bul derekti arnaiy komissiia tekserip jatyr, - dep habarlaidy Tengrinews.kz saity.
Apat qabyldaý býnkerinde kendi ysyrý jumystary kezinde bolǵan. 23 jastaǵy jumysshy býnkerge qulap, ony ken aǵyny basyp qalǵan. Aldyn ala málimet boiynsha, oǵan ottegi jetispei tunshyǵyp qaitys bolǵan.
"Osy fakt boiynsha arnaiy tekserý júrgizý úshin komissiia quryldy. Oqiǵanyń mán-jaiy men sebepteri arnaiy tergeý nátijeleri boiynsha anyqtalady, ol týraly qosymsha habarlaityn bolamyz", - dep habarlady vedomstvonyń baspasóz qyzmeti.
