Qaraǵandy oblysynyń kommertsiialyq kásiporyndarynyń biriniń basshysy ruqsat qujatysyz antiseptik jasap, satqan. Kásiporyn qoimasynan úsh tonnadan astam zararsyzdandyrý quraly tárkilendi, dep habarlaidy "Ult aqparat".
QR QM Qarjy monitoringi komitetiniń Qaraǵandy oblysy boiynsha Ekonomikalyq tergeý departamenti 2 sáýirde jalǵan antiseptikalyq preparatty daiyndaý jáne ótkizý faktisiniń jolyn kesti.
Elde jariialanǵan tótenshe jaǵdai kezinde Qaraǵandydaǵy kommertsiialyq kásiporyndarynyń biriniń basshysy tiisti ruqsat berý qujattarynsyz antiseptikalyq qural jasap, satqan. Atalmysh kásiporyn buryn lak-boiaý ónimderin daiyndaýmen ainalysqan.
«Júrgizilgen jedel-izdestirý is-sharalarynyń nátijesinde quramynda belgilenbegen antiseptikalyq zattardy óndirý jáne ydystarǵa quiý jónindegi jabdyqtary bar tseh anyqtaldy. Úsh tonnadan astam daiyndalǵan antiseptika litrine 3 000 teńge baǵasymen satylǵan. Sondai-aq kásiporynnan 40 litr tehnikalyq spirt tárkilendi. QR QK 214 baby boiynsha sotqa deiingi tergeý bastaldy (sanktsiia múlikti tárkileýmen 5 jylǵa deiin bas bostandyǵynan aiyrýdy qarastyrady), Daiyndalǵan jáne satylǵan ónimniń barlyq kólemin anyqtaý boiynsha jedel-tergeý sharalary júrgizilýde», - dep habarlady Qaraǵandy oblysy boiynsha Ekonomikalyq tergeý departamentinde.
