Foto: Qaraǵandy oblysynyń ákimdigi
Qaraǵandy oblysy Buqar jyraý aýdany Botaqara aýylynda gaz ballony jarylyp, eki adam qaza tapty, dep habarlaidy "Ult aqparat".
Qaraǵandy oblysy ákimdigi baspasóz qyzmetiniń málimetinshe, 30 qańtar saǵat 00:07-de Botaqara kentindegi eki qabatty 12 páterli turǵyn úidiń ekinshi qabatyndaǵy páterde tsilindrlik gaz jarylǵan. Páterdiń ústindegi shatyr, qabyrǵalar men edender, sonyń ishinde birinshi qabattaǵy páterler tolyǵymen qulaǵan. Sonymen qatar basqa páterler de ishinara zaqymdalǵan.
"Turǵyn úide jalpy 46 adam turǵan, jarylys kezinde 35 adam boldy. Apattyq-qutqarý jumystary kezinde úiindilerdiń astynan qaza tapqan eki adam jáne jaraqat alǵan bes adam, onyń ishinde úsh bala shyǵaryldy.
Jumystarǵa 139 adam jáne 32 tehnika jumyldyryldy. Qazirgi ýaqytta apattyq-qutqarý jumystary aiaqtaldy.
Aimaqtyń meditsinalyq mekemelerine bes zardap shekken azamat, onyń ishinde úsh bala jetkizildi. Eki bala ambýlatoriialyq emdelýge jiberildi, bir bala oblystyq balalar klinikalyq aýrýhanasyna qanaǵattanarlyq jaǵdaida jetkizildi. Eki eresek patsienttiń bireýi óte aýyr jaǵdaida (80% kúiik shalǵan), ekinshisiniń jaǵdaiy qanaǵattanarlyq. Patsientterge barlyq qajetti meditsinalyq kómek kórsetilip jatyr" - delingen habarlamada.
Ákimdik málimetinshe, oqiǵa ornynda jedel shtab ashyldy. Sondai-aq Qaraǵandy oblysynyń TJD-da (8-7212) 51-72-23 nómiri boiynsha jedel jeli telefony ashyldy. 25 turǵynǵa shuǵyl psihologiialyq kómek kórsetildi.
