Qaraǵandy oblysynyń Abai qalasynda turatyn jas jigit tóbelesten keiin óz-ózine qol jumsady. Marqumnyń týystary istiń ádil qaralýyn talap etip, jigittiń ózine-ózi qol jumsaýyna sebepker bolǵan kinálilerdi jazalaýdy surap otyr, dep habarlaidy QazAqparat.
Jelide 20 jastaǵy jigittiń óz-ózine qol jumsaǵany týraly habarlama paida boldy.
Qaiǵyly oqiǵa 11 qyrkúieekte bolǵan. Keshke dostarymen birge júrgende, ol basqa toptyń jigitimen janjaldasyp, biraz sóilesken soń tarap ketken. Alaida, bul jaǵdai qarsylastyń dostaryna unamai, olar Álisherdi qýyp jetip, jabylyp aiaýsyz uryp tastaǵan.
Qazir jigittiń týystary men jaqyndary ádilettilikti talap etedi jáne ulyn aiaýsyz urǵandarǵa qatysty tiisti jaza qoldanǵanyn qalaidy.
Týystarynyń aitýynsha, dál osy oqiǵa Álisherdiń sýitsidke barýyna sebep bolǵan.
«Álisherimizdiń ózine ózi qol jumsaýyna qatygez jábirleýshiler sebepker boldy. Ol myqty adam bolǵan jáne biz onyń ómir súrgisi kelmeitinin eshqashan estigen emespiz», - delingen habarlamada.
Marqumnyń týǵandarynyń aitýynsha, olar osy fakti boiynsha Abai qalasynyń politsiia bólimine júgingen.
«Sol kúni atalǵan fakt boiynsha QR QK 105-baby 1-bóligi boiynsha qylmystyq is tirkeldi. Ol boiynsha tiisti saraptamalar taǵaiyndaldy. Qazirgi ýaqytta tergeý júrip jatyr»,- dedi Qaraǵandy oblysy PD baspasóz qyzmeti.
