Qaraǵandy oblysyndaǵy jumysshylar vahtasy aýmaǵynda sport zal qabyrǵasy opyryldy, - dep habarlaidy Tengrinews.kz.
"Vecherniaia Karaganda" gazetiniń Instagram paraqshasy Shubarkól kómir ken ornyndaǵy vahta qalashyǵy aýmaǵynda ornalasqan sport kesheni ǵimaratynyń bir bóligi opyrylyp qulaǵany túsirilgen video jariialady.
Quramyna atalǵan kásiporyn kiretin ERG kompaniiasynyń baspasóz qyzmeti oqiǵa 25 maýsymda bolǵanyn habarlady. "Shubarkól Kómir" AQ vahta qalashyǵynyń jóndeýden ótip jatqan mádeni-sporttyq kesheniniń qabyrǵasy jartylai opyrylǵan.
"Kásiporyn qyzmetkerlerinen de, ǵimaratqa kúrdeli jóndeý júrgizip jatqan merdiger tarapynan da zardap shekkender joq. Oqiǵanyń sebepteri anyqtalyp jatyr. 2023 jyldyń sáýirinde "Tsentralnyi" kareri aýmaǵynda mádeni-sporttyq keshenniń jóndeý jumystary bastalǵan. Ǵimarat 1989 jyly salynǵan. Keshendi qaita qurý ǵimarattyń barlyq úi-jailaryn qalpyna keltirý úshin júrgizildi", - dedi kompaniianyń baspasóz qyzmeti.
