قاراعاندى وبلىسىنداعى جۇمىسشىلار ۆاحتاسى اۋماعىندا سپورت زال قابىرعاسى وپىرىلدى, - دەپ حابارلايدى Tengrinews.kz.
"ۆەچەرنيايا كاراگاندا" گازەتٸنٸڭ Instagram پاراقشاسى شۇباركٶل كٶمٸر كەن ورنىنداعى ۆاحتا قالاشىعى اۋماعىندا ورنالاسقان سپورت كەشەنٸ عيماراتىنىڭ بٸر بٶلٸگٸ وپىرىلىپ قۇلاعانى تٷسٸرٸلگەن ۆيدەو جارييالادى.
قۇرامىنا اتالعان كەسٸپورىن كٸرەتٸن ERG كومپانيياسىنىڭ باسپاسٶز قىزمەتٸ وقيعا 25 ماۋسىمدا بولعانىن حابارلادى. "شۇباركٶل كٶمٸر" اق ۆاحتا قالاشىعىنىڭ جٶندەۋدەن ٶتٸپ جاتقان مەدەني-سپورتتىق كەشەنٸنٸڭ قابىرعاسى جارتىلاي وپىرىلعان.
"كەسٸپورىن قىزمەتكەرلەرٸنەن دە, عيماراتقا كٷردەلٸ جٶندەۋ جٷرگٸزٸپ جاتقان مەردٸگەر تاراپىنان دا زارداپ شەككەندەر جوق. وقيعانىڭ سەبەپتەرٸ انىقتالىپ جاتىر. 2023 جىلدىڭ سەۋٸرٸندە "تسەنترالنىي" كارەرٸ اۋماعىندا مەدەني-سپورتتىق كەشەننٸڭ جٶندەۋ جۇمىستارى باستالعان. عيمارات 1989 جىلى سالىنعان. كەشەندٸ قايتا قۇرۋ عيماراتتىڭ بارلىق ٷي-جايلارىن قالپىنا كەلتٸرۋ ٷشٸن جٷرگٸزٸلدٸ", - دەدٸ كومپانييانىڭ باسپاسٶز قىزمەتٸ.
