Sýret: Pexels
Qaraǵandy oblysynyń qylmystyq atqarý júiesiniń 18 qyzmetkeri tutqyndy uryp óltirgen sottalýshynyń qylmysy úshin jaýapqa tartyldy, dep habarlaidy "Ult aqparat" 31-arnanyń "Informbiýro" baǵdarlamasyna silteme jasap.
Aita keteiik, biyl 24 aqpanda Qaraǵandy kentindegi qatań rejimdegi koloniiada jazasyn óteýshiler kameralasyn aiaýsyz soqqyǵa jyǵyp, óltirdi.
Mekemedegi birneshe sottalýshy tutqyndy óltirdi degen kúdikkke ilindi. Olardyń barlyǵy – aýyr jáne asa aýyr qylmys jasaǵany úshin uzaq merzimge sottalǵandar.
"Mekemede arnaiy komissiia tergeý jumystaryn júrgizdi. Nátijesinde sottalýshylardyń arasynda janjal bolyp, onyń sońy tóbeleske ulasqany anyqtaldy. Saldarynan bireýi 20-ǵa jýyq jaraqat alyp, oqiǵa ornynda kóz jumdy", – delingen habarlamada.
Tutqyndarǵa qatysty tergeý áli jalǵasyp jatyr. Bolǵan jaǵdaiǵa bailanysty koloniia qyzmetkerleri men oblystyq departament basshylyǵy tártiptik jazaǵa tartyldy. Janjal bastaǵan sottalýshy 2032 jyly bostandyqqa shyǵýy kerek edi. Alaida endi onyń qamaýda bolý merzimi 2047 jylǵa deiin uzarýy múmkin.
Kúdiktilerdiń qylmys jasaýǵa oqtalǵany belgili boldy. Olardyń áreketi beinekamerǵa túsip qalǵan. Tergeý áli de jalǵasyp jatyr.
"Kúdiktiler qylmys jasaǵandaryn joqqa shyǵarmaidy. Bolǵan jaǵdai úshin 18 laýazymdy tulǵa, onyń ishinde men de barmyn, tártiptik jaýapkershilikke tartyldy", – deidi Qaraǵandy oblysy jáne Ulytaý oblysy boiynsha qylmystyq-atqarý júiesi departamentiniń bastyǵy Bekbolat Shákirov.
