Qarajal qalasynyń 55 jastaǵy turǵyny 24 jylǵa bas bostandyǵynan aiyryldy, ol bes jasar balany urlap, ony zorlaýǵa tyrysqany úshin kináli dep tanyldy, dep habarlaidy QazAqparat.
«Jas balany urlaý jáne zorlaý áreketi qoǵamdyq rezonans týdyrdy. Bul Qarajal qalasynda boldy. Zorlaýshy 24 jylǵa bas bostandyǵynan aiyryldy. Osy jyldyń toǵyz aiynyń qorytyndysy boiynsha kámeletke tolmaǵandarǵa qatysty qylmys kórsetkishi 6,3% - ǵa tómendegeni baiqalady. Iývenaldy politsiia qiyn jasóspirimdermen jáne turmysy nashar otbasylarmen júieli jumys júrgizýde», - dedi Qaraǵandy oblysy PD bastyǵy Erlan Faizýllin halyqqa onlain esep berý kezdesýinde.
Eske sala keteiik, rezonans týdyrǵan jas qyzdy urlaý osy jyldyń sáýir aiynda Qarajal qalasynda bolǵan edi.
Qyzdyń ata-anasy politsiiaǵa júgindi. Jedel-izdestirý is-sharalary barysynda bala 55 jastaǵy er adammen birge qaraýsyz qalǵan úiden tabyldy.
Oǵan qatysty qylmystyq is qozǵaldy.
